BATANGAS City -- Nanumpa sa harap ni Governor Hermilando Mandanas at mga miyembro ng Sangguniang Panlalawigan ang mga bagong halal na opisyal ng Batangas Province Association of Barangay Captains (ABC).
Pinangunahan ito ni ABC President Fernando Rocafort kasabay ng isinagawang pagpupugay sa bandila ng Pilipinas ng Kapitolyo noong Lunes (15 Jan 2024) sa Regina R. Mandanas Memorial DREAM Zone, Capitol Compound sa lungsod na ito.
Kabilang sa mga newly-elected officers sina ABC Vice President Novilito Manalo, Auditor Charito Pineda, kasama ang mga Board of Directors na sina Nonato Gonzales, Antonio Caguete, Renato Lat, Emerito Herrera, Ricky Villanueva, Alberto Lopez, Cresencio Dalanon, at Liwelyndo Vergara.
Ang eleksyon ng mga opisyal ay ginanap noong ika-12 ng Enero 2024 sa Liga ng mga Barangay Batangas Chapter Building, Capitol Compound, Batangas City.
Kaugnay nito, pormal na ring nanumpa bilang ex-officio member ng Sangguniang Panlalawigan ng Batangas si G. Fernando Rocafort, na punong barangay ng Barangay Halang, Lipa City.
Siya ay papalit kay former Batangas ABC President Board Member Wilfredo Maliksi at interim Board Member Medel Medrano.
CAPTION: Nasa larawan ang mga miyembro ng Batangas ABC kasama si Gov. Dodo Mandanas
#OpinYonBatangas #ABCOfficers #HermilandoMandanas #OpinYon #WeTakeAStand