Gintalakay ni Atty. Police Major Albert G. Azura an Juvenile Justice and Welfare Law ha symposium nga kabahin han Linggo ng Kabataan (LNK) 2026 ha Balangkayan, Eastern Samar, Agosto 29.
Ginhisgutan an balaod ha butnga han panhitabo hin shooting incident ha Tacloban City nga ginkasangkutan hin kabataan, nga naghatag hin oportunidad nga masabtan han mga kabataan an mga probisyon han balaod, ira mga katungod, ngan mga responsibilidad.
Nagtambong ha symposium an mga kabataan, upod an mga Sangguniang Kabataan (SK) officials, nga ginpangunahan ni SK Federated President Angelo Rey Gunda, kaupod hi LYDO Designate Steven Klent Raytos.
An aktibidad nagtututok ha pagpahaluag han kahibaro han kabataan mahitungod han juvenile justice ngan paglikay ha mga sitwasyon nga posible magresulta hin pagtalapas han balaod.
(OpinYon 8 News Team)
#OpinYon8news #WeTakeAStand