Umabot hin 2,800 nga mga TES grantees tikang ha iba-iba nga higher education institutions ha Eastern Samar an nagtipon ha Provincial Capitol Gymnasium dida han Agosto 26 para ha 2026 Unified Student Financial Assistance System for Tertiary Education (UniFAST) Tertiary Education Subsidy (TES) Congress.
Gindumara han Commission on Higher Education Regional Office VIII (CHED-RO8) an aktibidad basi matagan an mga benepisyaryo hin updated nga impormasyon mahitungod han TES ngan iba pa nga government assistance programs para ha mga estudyante.
Kabahin han programa an orientation ha 2026 TES Guidelines ngan Tulong Dunong Program Guidelines, pag-abri hin LandBank PISO account, ngan financial literacy session.
Ginsumat ni CHED-RO8 Director Maximo Aljibe nga umabot na ha 8,000 nga scholars ha Eastern Visayas an nakakatagmtam han programa.
Ginkumendahan ni Eastern Samar Governor Ralph Vincent “RV” Evardone an TES tungod han paghatag hin oportunidad ha mga estudyante tikang ha state ngan pribado nga higher education institutions.
Siring ni Evardone, an programa nakakabulig ha pagpahaluag han access ha kalidad nga edukasyon ngan pagpagaan han pinansyal nga kabaraka han mga pamilya.
Tinambongan an aktibidad han mga opisyal han UniFAST ngan LandBank, mga representante han mga eskwelahan, Borongan City Vice Mayor Emman Tiu Sonco nga nagrepresentar kan Representative Sheen Gonzales, ngan han mga benepisyaryo.
(Van Basilia/OpinYon News Team)
#Opinyon8News #Education #WeTakeAStand