Ang clickbait ay mga post, ads, o link na sadyang ginawa upang akitin ka agad mag-click. Karaniwan itong may mga linyang: “Siguradong panalo dito!”, “Guaranteed income daily!”, o “Naging milyonaryo ako sa isang gabi!” Ang mga ganitong mensahe ay sinadyang targetin ang kahinaan ng tao.......
Sa panahon ngayon, halos lahat ay nasa internet na....pati sugal. Sa isang pindot lamang ng cellphone, maaari ka nang makapasok sa mundo ng online gambling. Madali, mabilis, at tila walang kahirap-hirap. Ngunit sa likod ng makukulay na advertisement at pangakong “instant win,” nakatago ang malalim na sikolohiya kung bakit maraming tao ang nahuhumaling dito.
Ang online gambling ay idinisenyo para laruin ang emosyon at pag-iisip ng tao. Gumagamit ito ng tinatawag na reward system. Kapag nanalo ka, kahit maliit na halaga lang, naglalabas ang utak ng dopamine....ang kemikal na nagbibigay ng pakiramdam ng saya at tagumpay. Dahil dito, hinahanap-hanap ng isang tao ang pakiramdam na iyon at patuloy siyang naglalaro kahit madalas nang natatalo.
Isa pang dahilan ay ang tinatawag na illusion of control. Pinapaniwala tayo ng mga online games na may diskarte o “technique” para manalo. Sa totoo lang, karamihan sa mga laro ay nakabatay sa swerte at algorithm, hindi sa galing ng manlalaro. Ngunit dahil sa disenyo ng laro....tunog, ilaw, animation, at paulit-ulit na “near win” experience.....nagkakaroon ang tao ng maling paniniwala na malapit na siyang manalo kaya hindi siya humihinto.
Dito pumapasok ang panganib ng clickbait sa online gambling. Ang clickbait ay mga post, ads, o link na sadyang ginawa upang akitin ka agad mag-click. Karaniwan itong may mga linyang: “Siguradong panalo dito!”, “Guaranteed income daily!”, o “Naging milyonaryo ako sa isang gabi!” Ang mga ganitong mensahe ay sinadyang targetin ang kahinaan ng tao....lalo na ang pagnanais na yumaman nang mabilis.
Kailangang bantayan ang clickbait dahil ito ang unang hakbang patungo sa posibleng pagkakalulong. Kapag paulit-ulit mong nakikita sa social media ang mga patalastas na puro panalo at saya, unti-unti kang nakakondisyon na isipin na madali lang kumita sa sugal. Hindi ipinapakita ng clickbait ang katotohanan....ang utang, pagkalugi, stress, at pagkasira ng relasyon na maaaring idulot nito.
Maraming online gambling sites ang sadyang gumagamit ng psychological tactics: libreng bonus sa umpisa, countdown timers, at limitadong promos upang maramdaman mong “sayang ang pagkakataon” kapag hindi ka sumali agad. Ito ay tinatawag na fear of missing out o FOMO. Kapag napasok ka na sa sistema, mas mahirap nang kumawala.
Bilang mga gumagamit ng internet, mahalagang maging mapanuri. Hindi lahat ng nakikita online ay totoo. Tanungin ang sarili: makatotohanan ba ang pangako nito? Bakit kailangan nila akong madaliin? Ano ang posibleng mawala sa akin kapag nag-click ako?
Ang online gambling ay maaaring ituring na libangan, ngunit dapat may hangganan at disiplina. Huwag hayaang kontrolin ng emosyon at tukso ng clickbait ang iyong desisyon. Tandaan: mas madaling pindutin ang “bet now,” kaysa pindutin ang “stop” kapag nalulong ka na.
Sa huli, ang pinakamahalagang panalo ay hindi pera....kundi ang kakayahang kontrolin ang sarili. Maging matalino, maging mapagmatyag, at higit sa lahat, huwag magpalinlang sa matatamis na pangako ng online gambling.
#WeTakeAStand #OpinYon #OpinYonNews #MarchanismManifesto