Malaking pagkilala ang inaasahang matatanggap ng University of the Philippines Los Baños (UPLB) matapos pumasa kamakailan sa ASEAN University Network-Quality Assurance Institutional Assessment (AUN-QAIA).
Kauna-unahan ang UPLB, hindi lamang sa UP System kundi pati na rin sa state colleges and universities (SUCs) sa buong Pilipinas, na makakuha ng naturang karangalan mula sa ASEAN University Network.
Patunay ito anila ng layunin ng unibersidad na makapaghatid ng mahusay na institutional quality assurance, governance, research, extension, at academic service para sa mga mag-aaral.
Sa naging panayam sa Philippine Information Agency (PIA), ipinahayag ni UPLB Quality Assurance Office Director Dr. Myra Borines na malinaw ang nasabing institutional certification na mahigpit silang sumusunod sa international standard.
“It allows us to determine whether our instruction, research, extension, and public service meet international standards based on the criteria used by AUN-QA assessors and this recognition enhances UPLB’s regional and global reputation while showing that we continue to lead in setting academic standards,” aniya.
Sinusukat ng AUN-QAIA ang overall performance ng isang unibersidad base sa internationally recognized quality assurance standards upang suriin ang kanilang institutional leadership, governance, academic programs, research, community engagement, student support services, at quality management systems.
#WeTakeAStand #OpinYon #OpinYonNews