TIAONG, Quezon - Binuksan na ang One Town One Product (OTOP) Philippines Hub sa Barangay Lumingan sa bayang ito kamakailan.
Ito ang pangalawang OTOP sa Quezon na magiging sentro ng bilihan ng mgapasalubong at produktong Quezonin.
Ang unang OTOP Philippines Hub sa Quezon ay matatagpuan sa Lucena City.
Ayon sa provincial director ng Department of Trade and Industry (DTI) - Quezon na si Julieta Tadiosa, malaking tulong para sa mga local manufacturers at local government units na maibenta ang kanilang lokal na produkto tulad ng coco jam, atsara, suka, salabat at iba pang produktong Quezonin.
"Makakabili ang mga motorista, mga dayuhan at iba pang mamimili ng mga de-kalidad na produkto dito. Uunlad ang maliliit na negosyo kung ito'y tatangkilikin ng maraming mamimili,” dagdag pa ni Tadiosa.
(Larawan mula kay Lito Giron)
Tags: #TiaongQuezon #opinyonquezon #opinyonnews #QuezonProvince