Kinilala ng Pamahalaang Lungsod ng Cabuyao ang kahanga-hangang tagumpay ng mga mag-aaral mula sa Southville 1 Integrated National High School Wrestling Team matapos mag-uwi ng mga medalya sa Regional Athletic Association Meet (RAAM) Calabarzon 2026 na ginaganap sa Batangas City.
Sa Boys Division, nagwagi ng Gold Medal si Steven Cris N. Rota sa Juniors 66kg category.
Nagkamit ng Silver Medal si Joey Albert Villegas sa Cadets 50kg, habang nagwagi naman ng Bronze Medal sina Kyle John B. Rota sa 58kg at John Wayne Lareza sa 54kg category.
Ang kanilang koponan ay pinangunahan ni Coach Donna Rose E. Asi.
Sa Girls Division, nagbigay din ng karangalan si Princess Mae Largueza, na nag-uwi ng Silver Medal sa Juniors 50kg, sa ilalim ng paggabay ni Coach Dion Moses Baris.
Iba ang gilas ng Southville 1 INHS Wrestling Team: hindi lang medalya ang inuwi nila, kundi dangal para sa buong Lungsod ng Cabuyao.
Mula sa ensayo hanggang sa aktwal na laban, ipinakita nila ang tunay na tibay ng loob.
Ipinagmamalaki ng lungsod ang kanilang sipag, dedikasyon, at husay na nagbigay karangalan hindi lamang sa kanilang paaralan kundi pati sa buong Cabuyao City.
(Larawan mula sa Cabuyao Sports Committee)
#WeTakeAStand #OpinYon #OpinYonNews
#RAAM #Sports