Nakatakda nang ideklara ang lungsod ng San Pedro, Laguna, bilang "insurgency-free" o ligtas sa banta ng New People's Army (NPA).
Sa isang panayam sa Philippine News Agency (PNA), inihayag ni Lt. Col. Rolando Acido, commander ng 2nd Civil Military Operations (2CMO) Battalion ng Armed Forces of the Philippines (AFP), na malapit nang igawad sa lungsod ang "stable internal peace and security (SIPS)" designation.
Ang naturang designation ay ipinagkakaloob sa mga LGU na kung saan walang naitatalang "significant rebel activity" sa loob ng isang taon.
Ayon pa kay Acido, nakipagkasundo na ang militar sa lokal na pamahalaan sa pangunguna ni Mayor Art Mercado upang magdaos ng peace-and-order seminars para sa mga first-time job-seekers ng lungsod.
“The local government has generously offered venues and other necessary support, while the PNP and CMO will contribute by providing speakers and moderators,” pahayag ng opisyal.
"By fostering an environment of enduring peace within the community and becoming the pioneer city in Laguna to achieve SIPS status, San Pedro City can unlock its full economic potential for the benefit of all its constituents," dagdag ni Acido.
Nauna nang idineklarang "insurgency-free" ang mga bayan ng Cavinti, Kalayaan, Nagcarlan, Paete, at Santa Maria sa lalawigan ng Laguna.
#WeTakeAStand #OpinYon #SanPedroLGU #NPA #AFP #SIPS