Hindi dapat nalilimitahan sa sariling bayan o lungsod ang pagmulat sa isip ng mga kabataan na maging aktibo sa lipunan.
Ito ang pinatunayan ni San Pedro City, Laguna Councilor Bernadeth Olivares matapos siyang magpaunlak na maging kabahagi ng isang student forum sa Pamantasan ng Lungsod ng Muntinlupa (PLMUN) kamakailan.
Naging guest speaker si Olivares sa "Student Congress: Pathways to Leadership and Building Skills for Success" na inorganisa ng Public Policy and Governance Councilor of the University Student Council ng PLMUN noong May 28.
Sa naturang forum, nagkaroon ng pagkakataon ang konsehala na maibahagi sa mga kabataan hindi lamang ang kanyang naging mga karanasan sa pulitika kundi pati na rin ang mga aral na naituro nito sa kanya.
"I shared my leadership journey and shared the actions I took to enhance my skills, values and knowledge to perform efficiently and effectively ang role ko as a public servant thereby encouraging young leaders to do the same," pahayag ni Olivares sa isang mensahe sa OpinYon Laguna.
"It was a great opportunity to share my journey and mentor the next generation of leaders," dagdag pa niya.
#WeTakeAStand #OpinYon #OpinYonNews #SanPedroCouncilorBernadethOlivares #PLMUN