Nahimatay si Eula Bautista, ang seven-time finalist ng Tanghalan ng Kampeon mula sa Atimonan, Quezon, sa gitna ng isang live performance kamakailan.
Kasabay nito, inihayag din na patuloy na pinag-aaralan ng mga hurado sa pamumuno ni Renz Verano kung makakapasok pa siya sa grand finals ng kompetisyon.
Si Eula, na kilala rin bilang kampeon ng Quezon Province at dating five-time kampeon ng Eat Bulaga! Season 31, ay agad na sinuri matapos ang insidente.
Matapos makumpleto ang mga pagsusuri, ibinahagi ni Eula ang kanyang positibong balita: “All tests cleared thanks to God."
Sa isang segment ng GMA Network’s Unang Hirit na ibinahagi ni Eunice Bautista, binanggit na ang mga hurado ay kasalukuyang nag-aaral ng mga alituntunin at mga resulta para sa huling bahagi ng patimpalak.
“Hindi pa tiyak kung makakapasok pa siya, ngunit alam naman natin na consistent siya sa pagpapakita ng husay – pitong na beses na siyang naging finalist, kaya talagang mahirap ang desisyon para sa mga hurado,” ayon sa ulat mula sa programa.
Hanggang ngayon ay hinihintay ng mga tagahanga ang opisyal na pahayag ng mga hurado tungkol sa paglahok ni Eula sa grand finals ng Tanghalan ng Kampeon.
#WeTakeAStand #OpinYon #OpinYonNews