Napilasan an usa nga armado nga lalaki mahuman makipagbarinay ha usa nga miyembro han kapulisan ha Barangay Busay, Barugo, Leyte dida han May 25.
Subay ha inisyal nga report, ginpamusil han suspek an aktibo nga pulis samtang pauli ini ngadto ha ira panimalay.
Nakalikay naman an pulis ngan nakabulos pagpabuto nga nakaigo ha suspek ha iya wala nga braso.
Dayon nga nagresponde an Barugo MPS ngan ginpadara ha hospital an suspek para ha iya medikal nga atensyon.
Nahisabutan liwat han mga otoridad nga an suspek may daan nga mga kaso ngan ginmomonitor komo usa nga drug personality ha ira area. Narekober ha lugar an duha nga pusil ngan usa nga extra magazine.
Padayon an imbestigasyon han kapulisan may kalabutan ha insidente.
#WeTakeAStand #OpinYon #OpinYonNews