Gindumara han Professional Regulation Commission pinaagi han ira Regional Office an inspection ngan monitoring han mga proposed examination venues para han maabot nga September 2026 Licensure Examination for Teachers (LET) ha Balangkayan, Eastern Samar.
Pinangunahan ni Armond M. Englis an pagbisita upod an iba pa nga mga opisyal han PRC, kaupod hi Allan Contado, agud usisahon kon andam ngan angayan an mga pasilidad nga pagagamiton sugad nga testing centers para han nasabi nga board examination.
Malipayon ngan mapasalamaton an lokal nga pamunuan han positibo nga feedback nga ira nakarawat tikang han PRC officials.
Yana, ginhuhulat nala an opisyal nga kumpirmasyon tikang ha Regional Office para han pinal nga pag-apruba han mga examination venues.
Samtang waray pa an opisyal nga pahayag, gindadasig an mga posible nga LET takers ha Eastern Samar nga padayon nga magmonitor han mga masunod nga anunsyo ngan updates may kalabotan han eksaminasyon.
Nagpasalamat liwat hi Mayor Allan Contado han padayon nga suporta ngan pakig-partner han PRC ha pagpauswag han serbisyo edukasyonal ngan paghatag higayon ha mga magturutdo ha probinsya.
#WeTakeAStand #OpinYon #OpinYonNews