Usa nga High-Value Individual o HVI an nadakop, samtang ₱5.8 milyon nga kantidad hin shabu an narekober han mga kapulisan han PRO-8, human magkaada hin buy-bust operation ha Tacloban City dida han Huwebes, Hunyo 25.
An operasyon ginpangunahan han Tacloban City Police Office–Drug Enforcement Unit (TCPO-DEU) upod an Philippine Drug Enforcement Agency (PDEA) RO-8.
Ginkilala an naaresto nga hi alyas “Gabs”, 46 anyos, waray trabaho, ngan residente han Tacloban City.
Han pagkayana, gin-aandam na an kaso batok ha iya tungod han paglapas ha Republic Act No. 9165, o an Comprehensive Dangerous Drugs Act.
Sumala ha PNP, an malinampuson nga operasyon in resulta han padayon nga pagpakusog han anti-illegal drug operations ngan han pagsiguro han katalwasan han komunidad kontra ha iligal nga droga.
#WeTakeAStand #OpinYon #OpinYonNews