Ayon sa Lucena City Police, nahuli ang mga nasabing mga suspek sa kilos ng pagtaya sa bawat isa sa kanilang mga cellphone sa pamamagitan ng online na pagsusugal na sabong.
HULI sa akto ang 13 indibidwal na nagpapatakbo umano ng iligal na online sabong sa isang raid na isinagawa ng pulisya sa Lucena City kamakailan.
Isinagawa ang naturang raid matapos magreklamo ang ilang concerned citizen tungkol sa umano’y pagpapatakbo ng online sabong operations sa isang bahay sa Juarez St., Barangay 5 ng nasabing lungsod.
Nasamsam mula sa mga suspek ang anim na cellphone at perang pampusta na aabot sa P1,600.
Ayon sa Lucena City Police, nahuli ang mga nasabing suspek sa kilos ng pagtaya sa bawat isa sa kanilang mga cellphone sa pamamagitan ng online na pagsusugal na sabong.
Ang mga nahuli ay nasa ng Lucena City Police Station at kinasuhan ng Paglabag sa Presidential Decree No 1602.
Naglabas kamakailan ng pahayag ang Philippine Amusement and Gaming Corporation (Pagcor) na dalawang kumpanya lamang – ang Lucky 8 Starguest at Belvedere Corp. – ang pinapayagang magsagawa ng online sabong operations sa bansa. (JV, OpinYon Quezonin)
Tags: #OpinYonQuezonin, #LucenaCity, #onlinesabong, #PhilippineNationalPolice