Ang mga Public Employment Service Office (PESO) ay hindi lamang lugar para puntahan ng mga naghahanap ng trabaho.
Sa panahon ngayon, hindi lang job placement ang kanilang pangunahin layunin, kundi pati iakma ang skills ng mga naghahanap ng trabaho sa mga kumpanyang nangangailangan ng nasabing mga trabahador.
Kaya naman isang malaking pagkilala para sa mga lokal na PESO sa lalawigan ng Laguna ang mabigyan ng parangal sa isinagawang 2025 Performance Assessment and Planning Exercise (PAPE) sa National University - Laguna Campus, Calamba City, Laguna noong January 14.
Ang nasabing aktibidad ay inorganisa ng Department of Labor and Employment (DOLE) – Laguna, katuwang ang Public Employment Services Office Managers Association of the Philippines (PESOMAP) CALABARZON Chapter, upang matingnan ang naging performance ng mga PESO at kilalanin ang mga tanggapan na nagpamalas ng kahusayan sa pagganap sa kanilang tungkulin.
Pinakamaraming parangal ang nasungkit ng Biñan City PESO sa pamumuno ni Romualdo Garcia, matapos nitong makuha ang Performing PESO With the Most Number of Programs Implemented (1st Class Component City Category) Award, High-performing PESO in the Provision of Labor Market Information (1st Class Component City Category) Award, High Performing PESO in Referral and Placement of Qualified Jobseekers (1st Class Component City Category) Award, High Performing PESO in the Delivery of Career Development Support Program (1st Class Component City Category) Award, at PESO Employment Information System (PEIS) Champion (1st Class Component City Category).
Sumunod dito ang Calamba City PESO sa pamumuno ni Noemi Talatala, na nakakuha ng Highest Performing PESO With the Most Number of Programs Implemented (1st Class Component City Category) Award, High-performing PESO in the Provision of Labor Market Information (1st Class Component City Category) Award, at High Performing PESO in Referral and Placement of Qualified Jobseekers (1st Class Component City Category) Award.
Nakuha naman ng lungsod ng San Pedro ang High Performing PESO in Referral and Placement of Qualified Jobseekers (1st Class Component City Category) Award.
"The awards highlighted the dedication, efficiency, and innovation of PESOs in implementing employment programs, delivering timely labor market information, facilitating job placements, and providing career development support to jobseekers and workers," pahayag ng DOLE Laguna sa kanilang Facebook page.
Ayon kay DOLE Provincial Director Guido Recio, ang nasabing mga pagkilala ay sumasalamin sa tagumpay ng pagtutulungan ng mga PESO sa lalawigan upang mabigyan ng "accessible, responsive, and inclusive" employment services ang mga Lagunense.
#WeTakeAStand #OpinYon #OpinYonNews