Patay ang magtiyo matapos umanong makuryente sa kabundukan ng Mulanay, Quezon, Miyerkules, September 22.
MULANAY, Quezon - Kalunos-lunos na kamatayan ang sinapit ng isang senior citizen at kanyang pamangkin matapos umano silang makuryente sa isang liblib na bahagi ng bayang ito Miyerkules (September 21).
Kinilala ni PCapt. Joseph Ian Java, hepe ng Mulanay Municipal Police Office, ang mga biktima na sina Fabian Bia, 75 anyos; at Sherwin Mediavilla, pamangkin nito.
Ayon sa imbestigasyon, alas-sais ng gabi nang matagpuan ni Reymark Mediavilla ang mga bangkay ng kanyang tiyuhin at pinsan malapit sa isang nakalaylay na kawad ng kuryente sa kabundukang sakop ng Barangay Sta. Rosa.
Posible umanong hindi napansin ng mga biktima ang nakalaylay na kawad ng kuryente na nababalot ng mga damo.
(Larawan mula sa Mulanay MDRRMO)