Patay an usa nga 40-anyos nga lalaki samtang padayon nga nagpapaupay ha ospital an iya 17-anyos nga anak matapos hira pamusilon han duha nga armado nga suspek nga nakasakay hin motorsiklo dida han alas-11:55 han gab-i, July 10, ha Barangay Balao, Burauen, Leyte.
Ginkilala an namatay ngahi alyas “Rico," samtang an iya anak nga hi alyas “Yanyan" nakarekober yana tikang han mga samad nga iya naangkon.
Subay han inisyal nga imbestigasyon han kapulisan, tipauli na an magtala-amay tikang ha Barangay Balao pakadto ha ira panimalay ha Barangay Paghudlan han gindudul-ongan hira hin duha nga suspek nga nakasakay hin motorsiklo.
Waray pag-alang an mga suspek ngan ginpanmusil an mga biktima antes hira kumalagiw tipakadto ha sentro han Burauen.
Nag-angkon hin damo nga igo hin bala an amay nga nagresulta han iya kamatayon, samtang naigo liwat an iya anak nga gindara dayon ha ospital para tagan hin medikal nga bulig.
Padayon yana an hot pursuit ngan dragnet operation han Burauen Municipal Police Station agud makilala, madakop, ngan mapanagot an mga suspek nga responsable han nasabi nga krimen.
Padayon liwat an imbestigasyon han kapulisan agud mahibaroan an motibo han pamusil.
#WeTakeAStand #OpinYon #OpinYonNews