Inuman, nauwi sa tagaan; isa patay
Crime

Inuman, nauwi sa tagaan; isa patay

Feb 17, 2025, 8:39 AM
OpinYon News Team

OpinYon News Team

News Reporter

Isang trabahante ang nasawi matapos pagtatagain ng kanyang kasamahan habang nag-iinuman sa Pangil, Laguna nitong nakaraang Linggo, February 9.

Kinilala ang nasawi na si alias "Moises," 22 anyos, construction worker at residente ng Barangay Balian sa nasabing bayan.

Ayon sa paunang imbestigasyon ng Pangil Municipal Police Station, una umanong nagkaroon ng pagtatalo ang biktima at ang dalawa niyang kasamahan sa trabaho na kinilala lamang sa mga alyas na "Joselito" at "Joel" noong umaga bago ang insidente.

Bandang gabi ng Linggo ay nagkainuman umano ang tatlong magkakatrabaho, kung saan muling naungkat ang kanilang pagtatalo.

Sa init ng pagtatalo ng tatlo ay bigla na lamang umanong pinagtataga nina "Joselito" at "Joel" ang biktima ng bolo, dahilan ng kanyang agarang kamatayan.

Isang hot pursuit operation na ang isinasagawa ng pulisya upang madakip ang mga suspek na tumakas matapos ang krimen.

(Ulat mula sa Regional Public Information Office, PRO 4)


#WeTakeAStand #OpinYon #OpinYonNews


We take a stand
OpinYon News logo

Designed and developed by Simmer Studios.

© 2025 OpinYon News. All rights reserved.