Sumaka ha 4.3% an inflation rate ha Eastern Samar han bulan han Marso 2026, tikang ha 3.3% han Pebrero, sumala han Philippine Statistics Authority (PSA).
Sumala han PSA nga an pagsaka han presyo han pagkaon amo an nanguna nga rason han pagtaas han inflation.
Nagtikamahal an presyo han utan, prutas, isda, ngan iba pa nga pagkaon.
Dugang pa, sumaka liwat an gasto ha transportasyon tungod han pagtaas han presyo han krudo, nga nakaapekto han presyo han mga produkto ha merkado.
Nakapagtala liwat hin paghataas an serbisyo sugad han pagkaon ha mga karinderya ngan accommodation.
Samtang, mas mahinay naman an paghataas han presyo han kuryente, tubig, ngan iba pa nga utilities, ngan nagpabilin nga stable an sektor han health ngan komunikasyon.
Mas habubo an inflation rate han probinsya kumpara ha bug-os nga Eastern Visayas nga may-ada 4.8%, pero medyo mas mataas ini kumpara ha nasudnon nga 4.1%.
Padayon nga ginbabantayan han Department of Trade and Industry (DTI) ngan Department of Agriculture (DA) an presyo han mga baligya basi malikayan an sobra nga paghataas ngan masuportaran an mga konsyumer ngan parag-uma.
(Van Basilia)
#WeTakeAStand #OpinYon #OpinYonNews