Patay nga natad-an ha Brgy. Alang-alang, Quinapondan, Eastern Samar an 36-anyos nga maestro nga hi Anthony Yakit Pardilan, Head Teacher I ha Naga Elementary School, han aga han Hunyo 8.
Sumala ha kapulisan, ginbuno an biktima hin makausa ha irok ngan duha ka beses ha luyo nga nagresulta han iya kamatayon.
Nakadetenir na an duha nga suspek nga ginkilala la ha mga alyas nga "Joel," 22-anyos, ngan "Jeric," 18-anyos, nga magpatod ngan residente han Sta. Rita, Samar.
Gin-amin nira an ira pagpatay kan Pardilan, bisan kon padayon pa an imbestigasyon han kapulisan mahitungod han motibo han krimen.
Ha inisyal nga impormasyon, gin-aalegar nga may kalabutan ha kwarta an insidente.
Ginkondenar naman han Department of Education Regional Office 8 an brutal nga pagpatay ha maestro samtang padayon an pakigkoordinar han Schools Division Office han Eastern Samar ha mga awtoridad para ha mas masangkad nga imbestigasyon han kaso.
#WeTakeAStand #OpinYon #OpinYonNews