Isang appliance store ang nabiktima ng Gupit-yero Gang sa Santa Rosa City, Laguna nitong nakaraang Huwebes, January 16.
Ayon sa ulat ng Santa Rosa City Police Station, naganap ang nasabing insidente bandang alas-tres ng umaga sa isang appliance store sa Rizal Boulevard, Barangay Kanluran ng naturang lungsod.
Sinira ng hindi pa nakikilalang mga salarin ang bubong at kisame ng nasabing establisyimento upang makapasok sa loob.
Nang makapasok na sa loob ng tindahan ang suspek ay tinangay nito ang labintatlong (13) iPhones na may kabuuang halaga na P498,870 bago siya tumakas sa hindi pa malamang direksyon.
Patuloy ang isinasagawang follow-up operation ng pulisya sa naturang insidente.
Ulat mula sa Regional Public Information Office, PRO 4
#WeTakeAStand #OpinYon #OpinYonNews