Ginpabug-atan ni Eastern Samar Governor Ralph Vincent Evardone an padayon nga suporta han probinsyal nga gobyerno para han edukasyon durante han Oplan Balik Eskwela Inter-Agency Convergence nga gin-organisar han Department of Education.
Sumala kan Evardone, prayoridad han probinsya an pag aksyon han kakulangan han mga classroom ngan paghatag hin iba pa nga kagamitan sugad han lingkuranan, libro para ha mini libraries, ngan telebisyon para ha mga eskwelahan nga labi nga nagkikinahanglan.
Iya gihapon ginpahinumdom nga kinahanglan unahon an mga eskwelahan nga may pinakadako nga panginahanglan tungod han limitado nga pondo.
Gindasig liwat niya an mga school heads nga makig-coordinate direkta ha iya opisina para han iba nga kinahanglanon sugad han yero ngan plywood.
Dugang pa, gin-anunsyo han gobernador an paghatag hin insentibo para ha mga estudyante nga atleta ngan campus journalists nga nagdadara hin dungog ha Eastern Samar pinaagi han ira mga kadaugan ha rehiyonal ngan nasyonal nga mga kompetisyon.
Ginpasalamat liwat ni Evardone an suporta nira Christopher Sheen Gonzales ngan Marcelino Libanan ha iba-iba nga programa para han edukasyon ha probinsya.
An Oplan Balik Eskwela Convergence naglalayong paghiusaon an mga ahensya han gobyerno ngan mga stakeholder para masiguro an andam ngan epektibo nga pagbukas han klase para han School Year 2026–2027.
#WeTakeAStand #OpinYon #OpinYonNews