Nanguna ha ranggo an Eastern Samar State University (ESSU) Borongan Campus ha listahan han top-performing schools ha April 2026 Midwives Licensure Examination.
Nakab-ot han unibersidad an 100% passing rate, kun diin 43 ha 43 nga examinees an nakapasar. Labot pa hini, nahimo ini nga numero uno ha mga eskwelahan nga may-ada 30 o labaw pa nga examinees ngan may minimum nga 80% passing rate.
Sumala ha administrasyon, ini nga kadaugan nagpapakita han ira padayon nga paningkamot ha paghatag kalidad nga edukasyon ha larang han midwifery, pati na an dedikasyon han mga magturutdo ngan estudyante.
Ginkomendahan liwat an ngatanan nga bag-o nga lisensyado nga midwives nga naghatag dungog diri la ha ESSU kundi ha bug-os nga probinsya han Eastern Samar.
#WeTakeAStand #OpinYon #OpinYonNews