TANAUAN CITY – Nagsagawa ng orientation training ang pamahalaang lungsod para sa mga ama bilang tugon sa adbokasiya ni Mayor Sonny Perez Collantes para sa pagiging responsableng mamamayan at puno ng pamilya. Ang programa ay tinawag na ERPAT o Empowerment and Reaffirmation of Paternal Abilities.
ERPAT Orientation Para Sa Mga Ama Sa Lungsod
Sa mensahe ni Mayor Collantes, ipinahayag niyang lubos na pasasalamat sa ERPAT sa kanilang pagtugon sa pangangailangan ng mas pantay na pagtingin sa karapatan ng lahat.
Patuloy ang pamahalaang lungsod sa pagbuo ng mga programa upang turuan ang mga ama sa kanilang mga responsibilidad sa pamilya at lipunan.
Kasama rin sa aktibidad na ito si Congresswoman Ma. Theresa Collantes na nagbigay naman ng suporta sa sektor ng mga kababaihan lalo na sa pagpapatupad ng batas laban sa karahasan sa lebel ng barangay.
Mayor Magalong
Naging special guest sa ERPAT si Baguio City Mayor Benjie Magalong na nagbahagi ng kanyang kaalaman sa larangan ng pagtugon sa sakuna, pagpapaunlad ng kasarian at pag-unlad.
Naging katuwang din sa pagpapatupad ng aktibidad na ito ang Tanauan Local Social Welfare and Development/ Gender and Development program ng Tanauan sa pamumuno ni Vicky Javier.
Bilang resource speaker, nagbahagi si DSWD Assistant Regional Director for Operations and Division Chief Ricky Bunao ng mga kaalaman kaugnay sa pandaigdigang sitwasyon ng karahasan laban sa mga kababaihan at ang papel ng ERPAT sa pagtatapos ng karahasan laban sa kababaihan.
Ang ERPAT ay isang samahan sa Tanauan City na binubuo ng mga ama na layuning palawakin ang kanilang kakayahan sa pagsasagawa ng aktibong bahagi sa pag-unlad ng kanilang pamilya at komunidad.
#WeTakeAStand #OpinYon #ERPAT #TanauanLGU