Nadakip ng mga pinagsanib na pagsalakay ng Philippine Drug Enforcement Agency (PDEA) Laguna Provincial Office at San Pedro City Police Station ang apat na drug personalities sa isinagawang buy-bust operation sa isang drug den sa Barangay San Lorenzo Ruiz sa lungsod na ito noong gabi ng Martes, September 3.
Kinilala ng mga awtoridad ang mga suspek na sina Nehru Bautist y Cruz alyas Nehru, 55 anyos, lalaki, may asawa, machinist, umano'y drug den maintainer Donald Tinio y Guarino alyas Negro, 52, lalaki, may asawa, walang trabaho; Ronaldo Lopena y Bideña alyas Oni, 51, lalaki, may asawa, tricycle driver at Merbin Villate y Villafuerte alyas Mervs, 40, lalaki, may asawa, foreman.
Nabawi sa mga suspek ang humigit kumulang pitong (7) gramo ng hinihinalang shabu na nagkakahalaga ng P47,600.00, buy bust money at iba’t ibang drug paraphernalia.
Kasong paglabag sa Republic Act No. 9165 ang isasampa laban sa mga suspek.
#WeTakeAStand #OpinYon #OpinYonNews #PDEA