Ginhihingita yana han Local Govenrment Unit (LGU) Balangkayan an dako nga posibilidad nga magin usa ha opisyal nga testing center para han pagdudumaraon nga Licensure Examination for Teachers (LET) yana nga Setyembre 2026.
Kun ini in matutuman, ini in magigin kauna-unahan nga LET examination site ha bug-os nga probinsya han Eastern Samar. Ini in ginkikita nga dako nga kaopayan para han mga magturutdo ngan aspiring teachers, labi na han mga Estehanon.
Sumala kan Balangkayan Mayor Allan Contado, an posible nga pagbutang hin testing center ha Balangkayan in maghahatag hin dako nga ginhawa ha mga examinees kay diri na hira kinahanglan bumyahe ha harayo nga mga syudad o probinsya.
Dugang pa niya, dako gihap an mahibubulig hini ha ira gastuson ha pamasahe, pagkaon, ngan gasolina, labi na yana nga padayon an pagsaka han presyo han mga papliton.
Siring pa niya, Ginpapakita hini nga inisyatiba an paningkamot han lokal nga gobyerno nga mapaduol an serbisyong pang-edukasyon ha katawhan ngan makahatag hin mas masayon nga dalan para han mga magturutdo nga magkuha han ira lisensya.
Para ha kadam-an, dako ini nga oportunidad nga makakabulig ha pagpauswag han edukasyon ha Eastern Samar.
#WeTakeAStand #OpinYon #OpinYonNews