Gintikangan han Bureau of Fire Protection (BFP) Region 8 an duha ka adlaw nga High Angle Rescue Training para ha 40 nga Army Reservists tikang ha 804th Community Defense Center, 8th Regional Community Defense Group, Reserve Command, Philippine Army dida han Hulyo 7.
Ha pagpanguna ni Regional Director FCSUPT Aldwin M. Salazar, DSC, ginpahigayon ini nga training basi mapakusog an kapasidad han mga partisipante ha high angle rescue ngan rappelling techniques, sugad man an pagpauswag han koordinasyon han magkalain-lain nga ahensya ha panahon han mga emerhensya.
An pagbansay gindumara han BFP Region 8 Special Rescue Force ha paggiya ni FCINSP Vic Leonel L. Macasil, Acting Chief han Regional Operations Division.
Sumala ha BFP Region 8, an programa nagtutuyo nga maandam an mga responders ha mas epektibo nga pag-atubang hin mga sitwasyon nga nagkikinahanglan hin espesyal nga rescue operations, labi na ha mga lugar nga makuri maabot.
Ginpapabug-atan han BFP an padayon nga pakigtambayayong ha iba nga ahensya basi mapakusog an disaster response capability ngan masiguro an mas madagmit ngan episyente nga paghatag hin serbisyo ha publiko.
#WeTakeAStand #OpinYon #OpinYonNews #BFP