Magpapakitang-gilas ang mga batang basketbolista mula sa iba’t-ibang panig ng Laguna upang kumatawan hindi lang sa lalawigan kundi maging sa buong bansa para sa idaraos na World Youth Championship 2026.
Biyaheng Singapore ang aabot sa 47 miyembro ng Batang Laguna basketball team bilang isa sa mga pambato ng Pilipinas sa nasabing kampeonato na gaganapin ngayong August 6 hanggang 9.
Nakatakdang lumahok ang 14 bansa mula sa Asia-Pacific, Middle East, at North America para sa apat na araw ng “elite competition” at “cultural exchange”.
Bago tuluyang lumipad ang naturang koponan, bumisita muna ang mga batang atleta sa kapitolyo upang bigyang suporta ng pamahalaang panlalawigan.
#WeTakeAStand #OpinYon #OpinYonNews