Isang lalaki ang natagpuang patay sa loob ng isang apartelle sa San Pedro City, Laguna nitong nakaraang Lunes, February 24.
Batay sa ulat ng San Pedro City Police Station, natagpuan ang nasabing bangkay ng isang room boy sa loob ng isang apartelle sa National Highway, Barangay Nueva ng nasabing lungsod bandang 5:30 ng hapon ng Lunes.
Ayon sa room boy ng apartelle na kinilala lamang bilang si "Filino," nadatnan niya ang biktima sa loob ng kwarto na may bula sa bibig.
Wala namang nakitang bakas ng foul play ang mga pulis na rumesponde sa lugar.
Nagsagawa na ng follow-up investigation ang San Pedro City Police upang matukoy ang pagkakakilanlan ng biktima, gayundin ang posibleng sanhi ng kanyang kamatayan.
(Ulat mula sa Regional Public Information Office, PRO 4)
#WeTakeAStand #OpinYon #OpinYonNews #Crimes