Nabungkag an usa nga balay ha Brgy. Cantongtong, Jiabong, Samar matapos umigo an linog nga may magnitude nga 6.1 yana nga adlaw, Mayo 4.
Sumala ha mga residente, kalit la nga nag-uyog an tuna ngan nagkawsa hin kahadlok ha komunidad, labi na han nakita nira an usa nga balay nga diri na nakaya an kusog han linog ngan dayon nga naruba.
An epicenter han nasabi nga linog nahimutang hirani ha San Julian, Eastern Samar, nga amo an gintutudlok nga hinungdan han makusog nga paglinog nga gin-abat ha iba-iba nga parte han Samar.
Ha pagkayana, waray pa ginpapagawas nga opisyal nga report kun may nasamdan o iba pa nga danyos, pero padayon an pag-usisa han mga awtoridad ha nahitabo nga insidente.
An mga residente nga apektado nagpapadayon hin paglaum nga matatagan hira hin dayon nga bulig tikang ha lokal nga gobyerno ngan mga ahensya agud makarekober tikang han karuba.
Ginduduso liwat han mga opisyal an publiko nga magin alerto ha posibleng aftershocks ngan sundon an mga safety protocol para malikyan an mas dako pa nga disgrasya.
(Van Basilia)
#WeTakeAStand #OpinYon #OpinYonNews