Syahan ha Eastern Samar an Bungto han Balangkayan nga nag-tikang han pagpatuman han FY 2026 Local Government Support Fund–Growth Equity Fund (LGSF-GEF) infrastructure project mahuman an groundbreaking ceremony para ha Improvement of Farm-to-Market Road ha Barangays Caisawan-Bangon yana Agosto 4, 2026.
An proyekto ginlalaoman nga makakabulig ha pagpauswag han road access ngan magpapasayon han pagtransportar han mga produkto agrikultural ngadto ha mga merkado ngan iba pa nga lugar.
Tinambong ha seremonya hi DILG Region VIII Regional Director Arnel M. Agabe, DILG Eastern Samar Provincial Director Engr. Jesus Jeremy D. Bagares, mga personnel han DILG, Municipal Mayor Allan C. Contado, Vice Mayor Edith Anne T. Basco, mga lokal nga opisyal, community stakeholders, ngan partner organizations.
Ha iya mensahe, ginpabug-atan ni Agabe nga an proyekto direkta nga makakabenepisyo ha mga residente han Caisawan, Bangon, ngan Catubi, samtang an mas maopay nga road access mahimo liwat makabulig ha mga kahirani nga komunidad.
Siring ni Agabe, an maopay nga farm-to-market road makakabulig ha mga parag-uma pinaagi han pagpamenos han transportation costs, paglikay han post-harvest losses, ngan paghatag hin dugang nga economic opportunities.
Nagpasalamat naman hi Mayor Allan C. Contado ngan Vice Mayor Edith Anne T. Basco ha DILG ngan ha iba nga ahensya ngan partner organizations nga nagin bahin ha pagkahimo posible han proyekto.
Ginpabug-atan nira an importansya han pakig-upod han national government ngan LGU ha pagpatuman hin mga proyekto nga direkta nga makakabulig ha mga residente, labi na ha mga parag-uma.
An groundbreaking ceremony nagpapakita han padayon nga pakig-partner han DILG ngan LGU Balangkayan ha pagpauswag han rural infrastructure, pagpaigmat han local economy, ngan paghatag hin mas maopay nga serbisyo publiko.
An pagkauna han Balangkayan ha Eastern Samar ha pag-tikang han LGSF-GEF FY 2026 infrastructure project nagpapakita han commitment han LGU ha napapanahon nga project implementation, maopay nga governance, ngan epektibo nga serbisyo para ha komunidad.
Photo Courtesy: PHILIPPINE INFORMATION AGENCY
#WeTakeAStand #OpinYon #OpinYonNews