BATANGAS City -- Pormal nang manunungkulan bilang Officer-in-Charge ng Batangas City Police Station si Police Lieutenant Colonel Shamgar Gornez Valdez matapos na maisagawa ang Turnover Ceremony sa tanggapan ng Deputy Provincial Director for Administration, Police Lieutenant Colonel Jezreel L Calderon nitong ika-19 ng Pebrero, 2023 dakong 9:30 ng umaga sa Camp Miguel Malvar, Kumintang Ilaya sa lungsod na ito.
Sa gabay at patnubay ng Batangas Police Provincial Office Provincial Director, Police Colonel Samson Belmonte, pinangunahan ni Police Lieutenant Colonel Calderon ang seremonya sa pagluklok sa tungkulin kay Police Lieutenant Colonel Valdez.
Si Police Lieutenant Colonel Valdez ang siyang halili sa pamumuno ni Police Lieutenant Colonel Diana Dela Cruz Del Rosario at magpapatuloy ng magaganda nitong simulain at programa sa Batangas City Police Station.
Ang ulat na ito ay opisyal na inihayag ni Pmaj Dave Alex Mercado, hepe ng Provincial Public Information Office na may telefax na (043) 980 0400 at email address na batangaspnppio@gmail.com .
#WeTakeAStand #OpinYon #OpinYonNewsTeam