Apat ang arestado matapos mahuling nagsasagawa ng iligal na tupada sa Lucena City noong Junyo 6.
APAT na tao ang naaresto sa isang raid na isinagawa sa isang iligal na sabungan sa Lucena City noong Hunyo 6.
Kinilala ang mga naarestong suspek na sina Renieto Rejano, Reggie Orcena, Jason Jega at Axcel Rejano, pawang nasa hustong gulang at mga residente ng naturang lungsod.
Ayon sa ulat ni Par. Alvin Jaca ng Lucena City police, nabisto ang apat na nagsasagawa ng iligal na pasabong sa Sitio Tiis Amerika, Barangay Gulang-gulang.
Nakumpiska sa naturang raid ang dalawang manok na panabong at perang pantaya na aabot sa P400.
Kasalukuyang nakapiit ang apat na suspek sa Lucena City Jail habang sinampahan na sila ng kasong paglabag sa P.D. 1602 (illegal gambling). (OQNT)
Tags: #OpinYonQuezonin, #LucenaCity, #illegalcockfight