Dosmil sayisyentos singkwenta-tres o 2,653 nga pamilya ha Poblacion 12, 13, 14, ngan 15 han Dolores Eastern Samar an nakakarawat hin 10 kilos nga bugas kada pamilya ha ilarom han BBM-LGSF Rice Distribution Program.
Ginpatuman an distribution ha Poblacion 15, kundiin an mga benepisyaryo tikang ha Poblacion 15 nga may 913 nga pamilya; Poblacion 13, 761; Poblacion 12, 558; ngan Poblacion 14, 421.
An programa usa nga inisyatibo han administrasyon ni President Ferdinand “Bongbong” Marcos Jr. ha paghatag hin libre nga bugas ha mga pamilya ha Eastern Samar, pinaagi han koordinasyon han nasyonal, probinsyal, ngan lokal nga mga panggobyernohan.
Ha pagpanguna ni Governor Ralph Vincent “RV” Evardone, naghatag hin dugang nga pondo an Provincial Government basi suportahan an implementasyon han programa ha Dolores ngan Guiuan.
Mayda ₱60 milyon nga kabug-usan nga pondo an probinsya para ha BBM-LGSF Rice Distribution Program.
Tikang hini, ₱15 milyon an igin-alokar para ha Dolores ngan Guiuan, samtang ₱45 milyon an igintagana para ha iba pa nga mga lokal nga panggobyernohan ha probinsya.
Ginpahayag han lokal nga panggobyernohan han Dolores, ha pagpanguna ni Mayor Zaldy Carpeso, an pagpasalamat ha Provincial Government han dugang nga suporta nga nakabulig ha paghatag hin benepisyo ha mga pamilya ha bungto.
Pinaagi han programa, ginlalaoman nga makakabulig an libre nga bugas ha pagpagaan han adlaw-adlaw nga panginahanglan han mga benepisyaryo, labi na ha pagkaon.
#WeTakeAStand #OpinYon #OpinYonNews