Dalawa ang naiulat na nasugatan sa isang hinihinalang insidente ng road rage sa Cabuyao City, Laguna noong nakaraang Linggo, November 3.
Kinilala ng Cabuyao City Police Station ang mga biktima na sina alyas "Archie" at alyas "Christian," na kapwa nagtamo ng tama ng bala sa binti.
Ayon sa ulat ng pulisya, sakay ng isang jeepney ang dalawa at binabagtas ang kahabaan ng daan sa loob ng isang subdivision sa Barangay Sala nang makagitgitan nila ang dalawang suspek na sakay ng isang motorsiklo.
Nagkaroon umano ng pagtatalo ang magkabilang panig hanggang sa umalis ang isa sa mga suspek, ngunit pagbalik nito'y agad na pinaputukan ang mga sakay ng jeepney.
Isinugod ng mga concerned citizen ang mga biktima sa Ospital ng Cabuyao kung saan sila nilapatan ng lunas.
Patuloy naman ang pagtugis sa dalawang suspek na tumakas matapos ang krimen.
(Ulat mula sa Ulat mula sa Regional Public Information Office, PRO 4)
#WeTakeAStand #OpinYon #OpinYonNews