Arestado han mga kapulisan han Llorente Municipal Police Station an usa nga lalaki matapos ireklamo nga nagdadara hin kahadlok ngan samok samtang may dara nga pusil ha Brgy. Mina-anod, Llorente, Eastern Samar, May 25
An suspek nga ginngaranan la ha alyas nga “Al-al,” 19-anyos ngan residente han Brgy. Cabay, Balangkayan, in gindakop pinaagi han koordinado nga aksyon han mga pulis, Barangay Tanod, ngan mga residente han lugar.
Nakuha tikang ha iya an usa nga caliber .38 revolver ngan unom nga buhi nga bala. Sumala ha mga otoridad, posible nga hubog an suspek han nahitabo an insidente.
Aada yana ha kustodiya han Llorente MPS an suspek samtang gin-aandam an kaso may kalabotan ha ilegal nga pagpossess hin pusil ngan bala.
(Van Basilia)
#WeTakeAStand #OpinYon #OpinYonNews