Umabot na ha 10,265 nga PagbaBAGo Bags an naipanhatag han Office of the Vice President – Eastern Visayas Satellite Office (OVP-EVSO) pinaagi han ira PagbaBAGo Bags: A Million Learners Campaign
Ha pinakabag-o nga distribusyon nga ginbuhat han Hulyo 10, 2026, nakakarawat hin bulig an mga pinili nga estudyante tikang Grade 1 tubtob Grade 4 ha iba-iba nga pampubliko nga eskwelahan ha mga bungto han Victoria, Baybay, San Vicente, Catbalogan, San Isidro, San Francisco, Calubian, ngan Inopacan.
An tagsa nga PagbaBAGo Bag may sulod nga mga school supplies, dental kit, ngan raincoat agud magin mas andam, mas talwas, ngan mas komportable an mga kabataan ha ira pag-eskwela.
An nasabi nga programa kabahin han padayon nga kampanya han OVP nga mapahaluag an oportunidad han mga kabataan ha dekalidad nga edukasyon pinaagi han paghatag han ira batakan nga mga panginahanglanon ha pag-eskwela.
Pinaagi han kooperasyon han mga eskwelahan ngan lokal nga mga kaupod, nagpapadayon an OVP ha paghatag hin suporta nga magbubulig ha paghimo hin mas maopay ngan mas malamrag nga tidaraon para ha kada kabataan nga Pilipino.
#WeTakeAStand #OpinYon #OpinYonNews